Бүген «Тукай мәдрәсәсе» 2014-2015 нче уку елын тәмамлады. Ел буе шәкертләр монда Ислам дине нигезләрен, аның тарихы буенча башлангыч белемнәрен алдылар, борынгы бабаларыбызның язма мирасы булган гарәп әлифбасынның хәрефләрен һәм аларның үзенчәлекләрен өйрәнделәр. Кайбер шәкертләр Коръәннең тәвҗид белән уку асылына төшенделәр. Балаларга ел буе мөгалимнәребез Наил хәзрәт Җамалутдинов һәм Рәис хәзрәт Арифуллин күп көч куйдылар.

   Уку елын йомгаклау тантанасына килгән кунакларыбыз шәкертләргә рәхмәт сүзләрен җиткерделәр. Иң алдынгы шәкертләребезгә иҗтимагый киңәшмә әгъзалары әзерләгән дипломнар һәм бүләкләр тапшырылды.

   Чуашстан Диния нәзарәтенең рәисе Мансур хәзрәт Хайбуллов укытучы мөгаллимәләребезгә олы рәхмәтен белдереп, бүләкләр тапшырды. Бүләксез бер шәкерт тә калмады. Иң кече шәкерт, әле мәктәпкә дә укырга кермәгән Ибрагимова Ландыш Гран-прига лаек булды. Аны электрон Коръән белән бүләкләделәр. Шундый ук бүләк 11 сыйныф укучысы -Зарифзянова Гүзәлгә дә тапшырылды.