Түбән Новгород өлкәсенең Пильнә районы Сафаҗай авылында Шәкертләр бәйрәме оештырылды. 

   Бәйрәм ике өлештән торды. Көннең беренче яртысында шәкертләр өчен ярышлар, уеннар узды. Өйләдән соң исә мәйдан яшүсмерләр һәм яшьләр иркендә калды. Дини вәгазьләр, тәмле итеп әзерләнгән ризыклар, көрәш, футбол ярышы һәм күптөрле башка спорт чаралары мәйданны гөрләтте.

   Менә, 9нчы август көнне Тукай авылы шәкертләре шушы бәйрәмгә юл тоттылар. 6 ел буена Чуашстаннан беренче булып Тукай авылы шәкертләре шушы бәйрәмдә катнашты. Алар үзләрен     сынатмадылар, төрле бәйгеләрдә ярыштылар. 13 команда арасында 4 нче урынга лаек булдылар һәм принтер белән бүләкләнделәр.

   Катнашучы шәкертләр арасында иң оста нәсыхәтче дигән конкурс үтте. Безнең авылдан Шакиров Алмаз чыгыш ясады. Ул 10 команда арасында 3нче урынга лаек булды һәм жесткий диск белән бүләкләнде.

   Бәйрәмдә җитәкчеләргә рәхмәт хатлары һәм барлык катнашучыларга истәлекле бүләкләр тапшырылды.

   Сафаҗәйдә Тукай авылының данын саклаучы шәкертләр:

1.Ямалетдинов Риназ

2.Шакирв Алмаз

3.Айсын Линаз

4.Фейзрахманов Айнур

5.Фейзрахманов Илнур

6.Зарифзянов Ильнур

7.Зинатуллин Айназ

8.Ямалетдинов Ранил

9.Шарафутдинов Юныс

10.Ибрагимов Айнур

Рәис хәзрәт Арифуллин җитәкчелеге буенча.