Аллага шөкер, бүген Аллаһы Тәгаләне танырга теләгән кешеләргә гыйлем ишекләре һәрьяклап ачык тора. Дини китаплар, гәҗит-журналлар да бихасап күп бастырыла. Безнең районыбызның да күп кенә мәчетләрендә дини укулар оештырыла.

   Бүген Тукай мәдрәсәсендә укулар башланды. Биредә шаригать нигезләре, балаларга ата-аналарны, олыларны, кечкенәләрне ихтирам итәргә, гаиләдә ничек үз-үзен тотарга һәм шулай ук хәрамның, хәләлнең нәрсә икәнен танырга, борынгы бабаларыбызның язма мирасы булган гарәп әлифбасының хәрефләрен һәм аларның үзенчәлекләрен  өйрәнәчәкләр. Кайберләре Коръәннең гарәп хәрефләре белән язылганын тәҗвид белән уку дәресләрен алачаклар.

   Дәресләрдә  укуларны Наил хәзрәт Җамалутдинов һәм Рәис хәзрәт Арифуллин алып бара.

   Ир балалар һәм кыз балалар группалары бар. Понедельник, среда ир балалар өчен, вторник, четверг кыз балалар өчен дәресләр булачак. Шәкертләр биредә  14.00 сәгатьтән 17.00 сәгатькә кадәр булачак.

   Дини белемнәрен артырырга теләкләре булганнарны Тукай мәдрәсәсендә көтеп калабыз.