 2015 елның 1 нче ноябрьендә Тукай авылы мәхәлләсе иҗтимагый киңәшмәсенең чираттагы утырышы узды.
Киңәшмәне Наил хәзрәт Җамалутдинов Коръән укудан башлады. Утырышта мәхәллә тормышына кагылышлы күп сораулар каралды һәм киләчәккә планнар корылды.
Комсомол районындагы Тукай авылның Иҗтимагый Киңәшмәсе (Общественный Совет) рәисе елда алышынып тора. Шушы киңәшмәнеңдә төп сорауы яңа рәис сайлау булды. Әлеге елда иҗтимагый киңәшмәнең җитәкчесе булып торган Рамил Фейзрахмановка зур рәхмәтләрен әйтеп, бер тавыштан яңа рәис итеп Айсын Рафик сайланды. Рафик инде ничә ел авылдагы иҗтимагый эштә актив катнашып, ярдәм итеп килә. Алллаһы Тәгалә аңа яңа эшендә дә сабырлык биреп авылыбыз, динебез өчен хәерле гамәлләр кылырга насыйп итсен.
| 