23-06-13 Бүген Бәраәт кичәсе - 23 Июня 2013 - Сайт села Токаево Комсомольского района ЧР
                Әссәләәмүгәләйкум үә рахмәтүллаааһи үә бәракәәтүһ!
Вторник, 28.03.2017

 

 
   
  
 
 

добро пожаловать на сайт села Токаево Комсомольского района Чувашской Республики!

Меню сайта
Мини-чат
200
Наш опрос
Главная » 2013 » Июнь » 23 » 23-06-13 Бүген Бәраәт кичәсе
23-06-13 Бүген Бәраәт кичәсе
20:33

   Мөбарәк өч айның берсе булган Шәгъбан аеның унбишенче кичәсен - (14 еннән 15 енә каршы кичә) ел саен мөселманнар рухи күтәренкелек белән каршы алалар. Быел Бәраәт кичәсе 23 июньгә туры килә. Ислам галимнәре раслаганча, Кадер кичәсеннән соң иң изге кичә - Бәраәт кичәседер. Чөнки Коръән беренче мәртәбә Бәраәт кичәсендә дөньяга иңдерелгән һәм Кадер кичәсендә Пәйгамбәребезгә төшерелә башлаган.

   Ислам галимнәре аны «мөбарәк» дип сыйфатлый, чөнки ул - бәрәкәтле, тирән мәгьнәле бер кичә. Бу кичәдә Хак Тәгалә кешеләргә гөнаһлардан арыну, рухи яктан пакьләнү мөмкинлеге бирә. Шуңа күрә Бәраәт кичәсенең төп мәгънәсе - бурычтан һәм җәзадан котылу. Бәраәт сүзе гарәпчәдән бурычны яисә салымны түләгәнне раслаган кәгазь (квитанция) дип тәрҗемә ителә. Шуңа күрә Бәраәт кичәсе гөнаһлардан котылуны раслап, безгә таныклык тапшыру кичәсе кебек.

   Бу кичәдә өч мәртәбә "Йәсин" сүрәсе укылыр. Беренче мәртәбә "Йәсин" сүрәсен укыганда укучының нияте Аллаһы Тәгаләдән озын гомер сораудан гыйбарәт булыр, икенче мәртәбә "Йәсин" укыганда мөселман Аллаһы Тәгаләдән бәла-казалардан иминлек сорар. Өченче мәртәбә бәрәкәт артсын дип укыр.

   Әлеге көнне мөселманнар ураза тотып, намаз, Коръән укып, саваплы гамәлләр кылып үткәрергә тырыша. Бүген гөнаһлардан тәүбә итү, Аллаһы Тәгаләдән теләкләр сорау өчен дә иң кулай көн.

   Ислам әдәбиятында Бәраәт кичәсенең биш хикмәте турында менә нәрсәләр языла:

 1. Бу кичәдә хикмәтле рәвештә башкарылачак эшләрнең иң әһәмиятлеләре сайланып билгеләнә. 

 2. Бу кичәдә кылынган гыйбадәт (укылган намаз, Коръән, дога, зикер, тәүбә, тотылган ураза) аеруча саваплы була. 

 3. Бу кичә илаһилык һәм бәрәкәт белән туп-тулыдыр. 

 4. Бу кичә - ярлыкау кичәседер. 

 5. Бу кичәдә Пәйгамбәребезгә (с.г.в.) тулы шәфәгать бирелгән. Расүл Шәгъбан аеның унөченче кичәсендә Әкрәм өммәте өчен Аллаһ Тәгаләдән шәфәгать теләгән. Һәм аның өчтән бере бирелгән. Ундүртенче кичәсендә кабат сораган. Тагын өчтән бере бирелгән. Унбишенче кичәсендә янә сораган һәм бу юлы тулы шәфәгать бирелгән. 

   Шәгьбанның унбишенче кичәсе белән бәйле хәдис тә бар. Пәйгамбәребез анда болай ди: «Шәгьбан аеның унбишенче кичәсе кердеме, аны гыйбадәт белән үткәрегез. Көндез исә ураза тотыгыз. Чөнки Аллаһ Тәгалә ул кичне кояш баеган вакытта дөнья күгендә күенә һәм: «Тәүбә вә истигьфар итүче булса, аны гафу итәм. Ризыклы булырга теләгән булса, аңа ризык бирәм. Авыруга дучар булса, аңа саулык-сәламәтлек бирәм. Бармы андый кешеләр, бармы?» - дип таң атканчыга кадәр сорап торыр». 

   Әйтелгәннәрдән күренгәнчә, Бәраәт кичәсендә кешеләрнең бер еллык язмышы язылыр һәм фәрештәләргә тапшырыла. Ягьни киләчәк бер ел эчендә бөтен кешенең, бөтен барлыкның ризыклары, байлык һәм ярлылык xәлләре, дөньяга мөнәсәбәтле дәрәҗәләре, яңа туачак һәм вафат булачак кешеләр - барысы да бу кичне билгеләнә.

Просмотров: 636 | Добавил: tokaevo | Рейтинг: 5.0/2 |
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Меню сайта
Поиск
Информресурсы
Друзья сайта
Музыка

Наш баннер

Предлагаем обмен баннерами



◊ код кнопки ◊

Календарь новостей
«  Июнь 2013  »
ПнВтСрЧтПтСбВс
     12
3456789
10111213141516
17181920212223
24252627282930
Форма входа
Статистика

Онлайн всего: 1
Гостей: 1
Пользователей: 0
Погода в Токаево

Copyright Тукай © 2017 При использовании материалов ссылка на сайт www.tokaevo.ucoz.ru обязательна!
Сайт управляется системой uCoz