Укытучылар көне – көз фасылының күркәм, ямьле бәйрәмнәренең берсе. Нәни баланы тәүге тапкыр хәреф танытудан башлап, олы тормыш юлына беренче адымнарын атлаганчыга кадәр тәрбияләүчеләр, белем бирүчеләр көне. Укытучылар – күпкырлы хезмәт ияләре, сез гыйлем генә биреп калмыйча, кешеләргә тормышта үз юлларын, кыйблаларын табарга булышасыз. Шуңа да укучылар өчен генә түгел, ә тулаем җәмгыятебез өчен һәрвакытта да үрнәк булып торасыз. Вакыт кына түгел, замана таләпләре дә, укучылар да һәрдаим үзгәрә. Шуңа да карамастан, сезнең җаваплылык аз гына да кимеми. Сез, киресенчә, елдан-ел нәтиҗәле хезмәт күрсәтеп киләсез.
Хөрмәтле укытучыларыбыз Сезне чын күңелдән һөнәри бәйрәмегез – Укытучы көне белән котлыйбыз!
Сезнең барыгызга да сәламәтлек, иҗат һәм һөнәр уңышлары телибез. Атачак таңнарыгыз – аяз, туасы көннәрегез – кояшлы, төннәрегез - тыныч, сәламәтлегегез нык булсын. Укучыларыгызның рәхмәтләренә төренеп, аларның ярдәмен тоеп яшәргә насыйп булсын.
Буген мәдрәсәдә укытучылар көне уңаеннан мәҗлес булып узды. Анда Наил хәзрәт укытучыларга вәгазьләр сөләде һәм рәхмәт сүзләрен җиткерде.
Шул уңайдан барысыда Зинатуллина Рушания апаны һәм Зинатуллина Сәкинә апаны олы юбилелары белән котладылар.
Кадерле укытучыларыбыз!
Сезне чын күңелебездән олы юбилейыгыз белн котлыйбыз! Сезгә исәнлек-саулык, гаилә бәхете, шатлыклар, бәхетләр телибез. Гел шулай шат күңелле булып калыгыз.
Җир өстенең җем-җем ак карларын
Килә сезгә бүләк итәсе.
Дөньядагы матур сүзләрнең дә
Иң җылысын килә әйтәсе.
Тормыш юлыгыз һәрчак балкып торсын,
Ягымлы, шат булсын күңелегез.
Озын гомер, бәхет-шатлык белән
Бер кайгысыз үтсен гомерегез.
|